Wala ka bang napapansin, sa iyong mga kapaligiran
Kay dumi na ng hangin, pati na ang mga ilog natin
Hindi nga masama ang pag-unlad,
at malayu-layo na rin ang ating narating
Ngunit masdan mo ang tubig sa dagat
dati'y kulay asul, ngayo'y naging itim
Ang mga duming ating ikinalat sa hangin, sa langit,

'wag na nating paabutin

Upang kung tayo'y pumanaw man sariwang hangin,

sa langit natin matitikman

II

Mayro'n lang akong hinihiling sa aking pagpanaw,

sana ay tag-ulan
Gitara ko ay aking dadalhin,
upang sa ulap na lang tayo magkantahan
Ang mga batang ngayon lang isinilang,

12

may hangin pa kayang matitikman

May mga puno pa kaya silang aakyatin, may mga ilog pa kayang

lalanguyan
III
Bakit 'di natin pag-isipan
Ang nangyayari sa ating kapaligaran
Hindi nga masama ang pag-unlad
Kung hindi nakakasira ng kalikasan
Darating ang panahon, mga ibong gala
Ay wala nang madadapuan

Masdan mo ang mga punong dati ay kay tatag
Ngayo'y namamatay dahil sa ating kalokohan

IV

Lahat ng bagay na narito sa lupa

Biyayang galing sa Diyos kahit no'ng ika'y wala pa
Ingatan natin at 'wag nang sirain pa
'Pagkat 'pag Kanyang binawi, tayo'y mawawala na

1. Anong linya mula sa awitin ang pumukaw sa iyong puso at isipan?

Bakit ito nakaapekto sa iyo?

2. Ayon sa awitin, ano ang mga nangyayari sa ating kapaligiran? Bakit
ito nangyayari?
3. Ano ang hamon ng awiting ito sa iyo?