Pagiging Matapat na mga Mamamayan
Dapat nating sundin ang batas ng Diyos at ng mga tao, na iginagalang ang pagiging miyembro natin sa Simbahan at ang ating pagiging mamamayan sa bansa kung saan tayo nakatira.
Hango sa Buhay ni Joseph Smith
Ang personal na buhay ni Pangulong Joseph F. Smith ay isang halimbawa ng pagiging mabuting mamamayan at paglilingkod sa komunidad. Naglingkod siya bilang mambabatas sa Lehislatura Teritoryal ng Utah sa loob ng ilang magkakaibang panahon mula 1865 hanggang 1882; naglingkod siya sa konsehong panglungsod noong 1867; at miyembro siya ng kumbensiyon noong 1895 na sumulat ng saligang-batas ng estado ng Utah.
