humanap ang kaparis pag-usapan kung ano sa palagay ninyo ang pangunahing kaisipang nais bigyang diin ng tula palawakin pa ito sa pagbibigay ng mga pantulong na kaisipan punan ang sumusunod na diagram .
KABAYANIHAN Tula ni Lope K. Santos
Ang kahulugan mo'y isang paglilingkod na walang paupa sa hirap at pagod; minsang sa anyaya, minsang kusang-loob, pag-ibig sa kapwa ang lagi mong diyos.
Natatalastas mong sa iyong pananim iba ang aani't iba ang kakain; datapwa't sa iyo'y lights na't aliw ang magpakasakit nang sa iba dahil.
Pawis, yaman, dunong, lakas, dugo, buhay . . . pinupuhunan mo at iniaalay, kapagka ibig mong sa kaalipinan ay makatubos ka ng aliping bayan.
Sa tulong mo'y naging maalwan ang dukha, sa turo mo'y naging mulat ang mulala, tapang mo'y sa duwag naging halimbawa't ang kamatayan mo ay buhay ng madla.
Tikis na nga lamang na ang mga tao'y mapagwalang-turing sa mga tulong mo; ang kadalasan pang iganti sa iyo ay ang paglimot, kung di paglililo.
