"Patawad Ina"
Simula sa pagkasanggol ay nandyan ka
Hanggang sa ako ngayon ay magbinata
Sinikap mo akong palakihin ng tama
Ibinigay mo ang lahat kahit na ika'y wala
Pero ako, imbes na suklian ka ng kabutihan
Puro sakit at pag-aalala ang sayo'y iniwan
Mas pinili ko ang barkada at ang kalayawan
Hindi ko man lang inisip na ika'y nasasaktan
Nagagalit ako kapag ako ay pinagbabawalan
Ayaw ko na lagi mo akong pinagsasabihan
Hindi ako masaya kapag ako'y pinapayuhan
Nagwawala ako kapag ayaw mong pagbigyan
Ngayon, lahat ng iyan ay pinagsisisihan ko
Sana bumawi ako sa lahat ng iyong sakripisyo
Pinadama ko din sana ang pagmamahal sayo
Nakinig sana ako at tinanggap ang mga payo
Luha at pagsisisi na lang ang aking nagawa
Habang pinagmamasdan ko ang iyong mukha
At lagi kong sinasabing: 'patawad aking ina'
Habang ika'y nasa kabaong na at nakahiga.
