Matapos madeklara ang pag-umpisa ng quarantine, hindi naging madali para sa akin at ng buong pamilya ang mga sumunod na pangyayari. Dahil hindi na maaaring magtipon muli sa paaralan, nagtiis akong mag-aral gamit ang modular learning. Mahirap at wala ako gaanong naiintindihan, 'di gaya sa normal na araw sa isang klase. Higit pa doon, nahirapan din kaming umahon sa hirap dahil sa paglaki ng mga bilihin. Tipid-tipid na lang muna sa budget pangkain at ibang gastusin. Buti na lamang kahit sa hirap ng mga pagsubok na dala ng pandemya, buo at masaya pa rin kaming magpamilya.
