Gawain 2 Panuto: Tukuyin kung saan maiuugnay ang sumusunod na sitwasyon/pahayag. Piliin kung ito ba ay sa sarili, pamilya, komunidad, bansa o daigdig. Isulat lamang ang titik sa patlang bago ang sitwasyon/pahayag. A. sarili B. pamilya C. komunidad D. bansa E.daigdig 1. Ang broadcasting sa buong mundo ay buhay na buhay. Radyo na siguro, kumpara sa cellphone, computer, at telebisyon, ang pinakamurang elektronikong commodity na mapagkukuhanan ng balita. 2. Nakatutuwa ang pagkakaroon ng mga community radio shows. Matatagpuan ang mga ito sa loob ng campus. 3. Lahat ay mayroong access sa radyo, pero dahil may telebisyon at Internet sa aking cellphone, mas pipiliin kong alamin ang balita gamit ang mga uri ng media na ito. 4. Marahil, ganito rin ang kaso para sa aking pamilya na kahit na binubuksan ang radyo sa umaga, at pinakikinggan ito habang bumibiyahe patungong trabaho ay mas pipiliing panuorin ang balita sa telebisyon at basahin ito habang nagba-browse sa Internet. 5. Pagdating sa Pilipinas, tinitingala ang mga broadcaster ng radyo. Maririnig sila sa mga jeep, taxi, at mga lugar na ating pinupuntahan araw-araw.
