Ang liderato o pamumuno ay tumutukoy sa proseso ng pagpapagalaw ng mga tao sa isang nakaplanong direksiyon sa pamamagitan ng panggaganyak upang sila ay kumilos sa paraan na walang sapilitan. Ang mabuting pamumuno ay nagpapagalaw ng mga tao sa isang direksyon tungo sa kanilang pinakamahusay at pang-matagalang interes. Ang direksiyon ay maaaring pangkalahatang pakikipag-ugnayan sa mundo o isang partikular tulad halimbawa ng paggawa ng isang pagpupulong na umaakma sa mga isyu. Kahit anong mangyari, ang pamamaraan at ang hangarin ay alang-alang sa kapakanan ng mga tao na kasangkot sa isang totoo at pang-matagalang diwa.
