II. Pagsunod –sunurin ang mga pangyayari sa akdang Florante at Laura , lagyan ng bilang 1-10 (2puntos)
______a. Pagsasalaysay naman ni Aladin ng kanyang buhay kung bakit siya napagawi sa gubat ay dahil sa pinagtangkaan agawin ang kasintahan ng kanyang ama. Gumawa ang kanyang ama ng paraan upang masarili at maangkin si Flerida at hinatulan ang anak na mapugutan ng ulo. Habang naglalakad,, may naulinagan silang dalawang babae na nagkukuwentuhan. Ang isang babae ay si Flerida na isinalaysay kung bakit siya nagpakasal sa hari ay upang mailigtas ang kanayang kasintahan at pagtakas nito dahil hindi niya kayang makisama dito.
_____b. Isang lalaking nakagapos ng mahigpit sa puno ng higera na nagngangalang Florante, naisip niya ang matinding panganib na nakaabang sa kanya bukod pa sa maraming mababangis na hayop.
_____c. . Pagbabalik ni Florante at Laura sa Albanya, Aladin at Flerida sa Persya upang sila na ang mamuno sa kanilang kaharian , sila ay nagpabinyag at nagpakasal
_____d. Nang magising si Florante silay nagkwentuhan tungkol sa kanilang buhay at sila ay nagkakilala ng husto, Isinalaysay ni Florante ang buhay niya simula pagkabata ang pagkakaligtas sa kanya ng pinsang si Menalipo sa isang mabangis na buwitre. Ang pagpapadala sa Atenas upang humanap ng karunungan , naging kaklase at kaaway niya si Adolfo at pagkakatanggap ni florante ng liham na nagsasaad ng pagkamatay ng kanyang ina ,pagkaraan ng buwan ay pasabi na kailangan niyang umuwi.
_____e. Saglit na naghari ang katahimikan sa Albanya at pagsalakay naman ng hukbo ni Miramolin at maagap naman itong nagapi ni Florante, pagkabalik niya sa Albanya ay nahulog siya sa patibong ni Alfonso, pinakulong siya at pinatali sa gitna ng kasindak sindak na gubat. At ditto siya natagpuan ni Aladin at iniligtas.
_____f. Ang pag-alis ni Florante upang makipaglaban kay Osmalik na ikinalungkot ng labis ni Laura, nabawi niya ang palasyo at nailigtas si Haring Linceo, Duke Briseo at Adolfo. Marami pa ang nagtangkang sumalakay sa Albanya ngunit lahat sila ay nagapi ni Florante. Isang araw, habang nakikipaglaban si Florante sa Etolya, isang liham mula sa hari ang kanyang natanggap at siya ay pinauwi na sa kahariang Albanya.
_____g. Pagsangguni ng Haring Linceo kay Duke Briseo sa pagkakasalakay sa kaharian ng Krotona ng mga Persiyano sa pangunguna ni Heneral Osmalik at ang pagkakilala ni Florante at Laura sa palasyo na nakadama agad ng pag-ibig sa isat isa.
____h. Iniligtas niya si Florante sa dalawang mababangis na leon at siya ay nagwagi, dinala niya ito sa may bungad ng gubat at doon ay hinimlay, kanya itong binantayan at inalagaan hanggang sa ito ay magkamalay
_____i. Ang isa naman ay si Laura na isinalaysay naman kung paano naagaw ng taksil na si Adolfo ang trono at pagpugot ng ulo ng hari. Pagpipilit ni Adolfo ng pag-ibig niya kay Laura,kaya tinangay niya ito sa gubat upang doon pagsamantalahan na hinadlangan naman ni Flerida.
_____j. Isang Persyanong Moro na si Aladin ang napagawi sa gubat dahil gusto nitong malimutan ang kasiphayuang kanyang natamo, ang pagkakaagaw sa kanyang kasintahan na si Flerida at umabot sa kanyang pandinig ang panaghoy ni Florante at ginapangan siya ng takot sa katawan sa pagkakita niya kay Florante.