Gawain A. Panuto: Basahin ang maikling kwento at sagutin ang sumusunod na tanong Isinama si Jela ng kanyang tita Maila sa Rizal upang makapagbakasyon. Masayang-masaya siya dahil nakita niya sa unang pagkakataon ang Pista ng mga Higantes. Ang pistang ito ay naganap kahapon ika-23 ng Nobyembre. Ginugunita sa pistang ito ang patron ng mga mangingisda na si San Clemente. Pinakatampok sa pista ang matatangkad na tau-tauhang yari sa papel. Dinamitan at nilagyan ng makukulay na palamuti upang mas maging kaakit akit sa manonood. Ang mga higante ay karaniwang may taas na apat hanggang limang talampakan. Ang mga deboto naman ay nakasuot ng damit ng mangingisda. Hiniram ni Jela ang camera ng kanyang tita Maila at kumuha siya ng maraming litrato. Gusto niyang ipakita ang mga litrato sa kanyang mga magulang. Ipapakita nya rin ito sa kanyang mga kaibigan at kaklase. Hinding hindi niya makalimutan ang araw na iyon. 1. Kanino sumama si Jela? 2. Saan sila nagpunta? 3. Ano ang ipinagdiriwang dito 4. Ano ang kanilang ginugunita? 5. Paano nila inilarawan ang mga higante sa kuwento? 6. Ano ang naramdaman ni jela ng makita niya ang Pista ng mga higantes? 7. Karaniwang gaano kataas ang mga higante? 8. Ano ang kanyang hiniram sa kanyang tita Malla? 9. kani-kanino nya ipapakita mg kanyang mga kuhang larawan? 10. Bakit gusto niyang ipakita ang mga litrato sa kanyang mga magulang, kaibigan at kaklase?​