sumulat ng isang maikling komposisyon na maglalahad kung paano makatutulong ang mga mag-aaral na kabataan ng ating bansa sa pagpapalaganap ng gamit ng wikang pambansa.
Ang mga mag-aaral ay makatutulong sa pagpapalaganap ng wikang pambansa sa simpleng paggamit nito at pagbabahagi nito sa kaniyang kapwa maging Pilipino man o banyaga. Ang paggamit ng wika ay nagpapakita lamang na ikaw, bilang isang Pilipino, ay ginagamit ang iyong sariling wika. Higit lalong mapapalaganap mo ang isang bagay kung ito ay iyong ginagamit at minamahal. Ang pag-aaral din ng ating wika ay makatutulong upang ikaw ay maging matatas at mas maalam pa sa nasabing paksa. Ang pag-aaral ng wika ay nagbubunga ng kaalaman, pagmamahal, at pagpapahalaga rito. Bukod pa roon, malalaman mo rin ang mga naging mayamang kasaysayan ng ating wika, kultura, at lahi.
