Ang nagpapabukod tangi sa tao bilang nilikha ang isip at kilos-loob ay ang ating kakayahang kontrolin at kakayahang maging responsible sa ating mga desisyon at kilos.
Pagpapaliwanag:
Bilang isang likha ng Diyos, ang tao ang may mataas na antas ng paggamit at tunguhin sa isip at kilos-loob.
Ang ISIP ay ang kakayahang mag-isip, alamin ang diwa at buod ng isang bagay. Ang isip ay tinatawag na katalinuhan (intellect), katwiran (reason), intelektuwal na kamalayan (intellectual consciousness), konsensya (conscience) at intelektuwal na memorya (intellectual memory) batay sa gamit nito bawat pagkakataon.
Ang KILOS-LOOB naman ay tumutukoy sa kapangyarihan ng tao na gumawa ng pasya o pumili ng mga bagay na gagawin.
Ang kilos-loob ay umaasa sa isip sapagkat ibinibigay lamang ng isip ang mga katwiran bilang isang kakayahan upang ang kilos-loob ay maimpluwensyahan.
Kaya bukod tangi ang tao sa lahat ng nilikha dahil sa kambal na kapangyarihan ng isip at kilos-loob.
