Sa pangungusap na, "sinulat ko sa papel ang mga dapat mong gawin", ang pandiwa o salitang nagsasaad ng kilos ay ang sinulat. Ang pandiwang "sinulat" ay natapos nang gawin kaya ito ay aspektong naganap na o perpektibo.
May tatlong aspekto ang pandiwa, ito ay ang mga aspektong perpektibo na tinatawag na pandiwang naganap na, aspektong imperpektibo o tinatawag na pandiwang nagaganap at aspektong kontemplatibo na ang ibig sabihin ay pandiwang magaganap pa lamang.
Madali lamang matukoy kung ang pandiwa ay naganap na, nagaganap o magaganap pa lamang. Intindihin lamang ng maayos ang pangungusap at pag isipan nang maayos ang isinasaad nito. Ang pinakaunang gawin ay dapat na matukoy muna kung saan ang pandiwa sa pangungusap.
