Gawain 5. Suri-Pamumuno! Panuto: Basahin nang may pag-unawa ang mga sitwasyon. Ipaliwanag kung anong pamumuno ang (Pamumunong Inspirasyonal, Pamumunong Transpormasyonal o Adaptibo) ipinapahiwatig ng sitwasyon. Isulat ang sagot sa sagutang papel. Bilang Pangulo ng Supreme Student Government (SSG) ng kanilang paaralan, sinisiguro ni Joy na nagagampanan niya ng balanse ang kanyang tungkulin bilang boses ng mag-aaral at ang kanyang pagiging isang working student Sinisikap niyang matugunan ang hinaing ng mga mag-aaral tulad ng pananatili ng mga tutorial sa iba't ibang asignatura sa tulong ng iba pang opisyales, pagsasagawa ng adbokasiya sa tamang pagtapon ng basura, pagwaksi sa bullying at maging isang huwarang mag-aaral sa pamamagitan ng pagiging honor students at palakaibigan sa kapwa mag-aaral. Dahil sa kanyang ipinakitang pag-uugali at kabutihan ay maraming mag-aaral ang tumutulong at nagboboluntaryong maging kasapi ng kanilang tutorial class at nagsasagawa ng mga hakbang sa loob ng klasrum na mapairal ang katiwasayan at pagkakaibigan.
