1. Hindi iniinda ni Rossette ang kaniyang kapansanan sa paglakad upang matupad ang pangarap na makapagtapos ng pag-aaral.
2. Bagama't ilang beses na nalugi ang negosyo ng mag-asawang Dela Cruz, hindi pa rin sila pinanghinaan ng loob at patuloy pa ring nagpupursigi.
3. Madalas bumili ng mga mamahaling gamit at pagkain si Joed dahil katwiran niya ay mayaman naman ang kaniyang mga magulang.
4. Araw-araw nag-eensayo si Kaloy ng basketball nang sa gayo'y makakuha siya ng scholarship at maipagpatuloy ang pag-aaral sa kolehiyo.
5. Masikap na hinahasa ni Joaquin ang kaniyang kakayahan sa paglangoy upang makapag-uwi ng karangalan sa bansa.
6. Ayaw matuto ni Colin ng mga gawaing bahay dahil may katulong naman ang pamilya niya.
7. Hindi dumadalo sa pag-eensayo ng sayaw si Olivia dahil naniniwala siyang sapat na ang kaniyang kakayahan.
8. Simula nang bumagsak si Gabriel sa kaniyang pagte-training ay tuluyan na siyang sumuko sa pangarap na maging bumbero.
9. Pangarap ni Althea na maging isang tanyag na manunulat kaya maluwag niyang tinatanggap at pinakikinggan ang mga puna at komento tungkol sa kaniyang gawa upang mapaunlad ang kaniyang kakayahan.
10. Matiyagang pinagsasabay ni Basilio ang pag-aaral at pagtatrabaho upang maiahon niya sa kahirapan ang kaniyang pamilya.
