Answer:
Tula para sa Pag-ibig
mula kay Sweet Lapuz
Pag-ibig na ito'y pagkagulo-gulo,
Kung minsa'y baluktot, kung minsan ay wasto,
Bulag ang katulad, tila nalilito
Kung minsa'y may sakit ng pagkasiphayo
Ngunit kung tunay nga, wagas at dakila,
Madarama nama'y kilig sa simula
Sa gitna ay ngiti, sa dulo'y may tuwa,
Kung magmamahal ka ng tama at akma
Sa daraang araw, oras, at sandali,
Kahit na mag-isa, ikaw ay ngingiti,
Kung maalala ang suyuang huli,
At ang matatamis na sintang mabuti
At ang minamahal kung makakapiling
Ay tila kaybilis ng oras sa dingding
Hahalik sa pisngi at saka yayakapin.
Limot ang problema, 'di makakain.
Kung ika'y iibig, tandaan mo lamang,
Ang tunay na kulay, sikaping sulyapan.
Pagka't marami riya'y nagpapanggap lamang.
