Answer:
Ang Kasangkapan sa Patatasa sa Karapatan ng mga Katutubo sa Konstitusyon ay makatutulong sa mga gagamit
nito upang suriin ang konstitusyon, burador na konstitusyon o amyenda ng konstitusyon mula sa perspektiba ng
karapatan ng mga katutubo. Gamit ang isang serye ng mga tanong, maiksing mga paliwanag at mga halimbawang
probisyon mula sa mga konstitusyon mula sa iba’t ibang panig ng mundo, ang Kasangkapan sa Pagtatasa ay
gagabay sa gagamit nito sa mga nakasulat sa konstitusyon at bukas para sa sistematikong pagsusuri ng wika at
mga probisyon ng isang tekstong konstitusyunal upang tasahin kung gaano kalakas masasalamin ang karapatan ng
mga katutubo dito. Maaari rin silang gumawa ng paghahambing sa ibang bansa, upang makita kung paano nila
tinugunan ang mga isyu mula sa kanilang konstitusyon at nasyonal na batas. Ang Kasangkapan sa Pagtatasa ay
binalangkas upang praktikal na magamit; sa pagbibigay ng halimbawang wika at komparatibong mga kaugalian,
hindi lang para kilalanin at unahin ng mga gumagamit ang mga isyu para sa adbokasiya o wika para sa amyenda
ng konstitusyon kundi sinisigurado rin na ang kanilang mga pagsisikap ay may mga pinagbatayang ebidensiya, at
nagbibigay sa kanila ng kayamanan ng halimbawa na mapagkukunan ng inspirasyon.
Explanation:
Dinesenyo ang Kasangkapan sa Pagtatasa na ito para para sa mga tagapagsulong ng karapatan ng mga katutubo,
gayundin sa mga lubog sa paksa ng pangangalaga at pagtataguyod ng konstitusyunal na mga karapatan ng mga
katutubo sa unang pagkakataon, na maaaring miyembro ng isang konstitusyonal na kapulungan, tagapagbalangkas
ng konstitusyon, miyembro ng lipunang sibil, mga mambabatas, hurado o kaya’y mga kinauukulang indibidwal.
Sapagkat ang karapatan ng mga katutubo ay nakaaapekto sa kalidad ng demokrasya at ng lipunan, ang Kasangkapan
sa Pagtatasa na ito ay balong mapagkukunan ng kaalaman para sa lahat ng interesado at gusto pang maunawaan
nang mabuti at/o maisulong ang karapatan ng mga katutubo, at karapatang pantao sa mas malawak na saklaw, sa
pamamagitan ng pagtatag ng konstitusyon.
