Maraming tao ang nagsasabi na kung bakit ayaw nilang maging kristiyano o maging kabahagi sa Gawain ng Diyos ay dahil sa maraming bawal.
Bawal manigarilyo, bawal uminom ng alak, bawal magsugal, bawal magparty, bawal magsuot ng maiikling kasuotan, at higit sa lahat, wala munang lovelife! Kung nasa tamang edad man, dapat ay kapareho ng iyong pananampalataya.
Yan ang kadalasang mga dahilan kung bakit ilang ang maraming tao higit lalo ang mga kabataan sa gawain ng Panginoon. Ngunit lahat ng ito ay lilinawin natin- Marami nga bang bawal o may mga mahahalagang dahilan ang Diyos kung bakit ayaw Niya na gawin ng mga kristiyano ang bagay na ito?
(1) Una, alam ng Diyos ang lahat ng bagay. Bilang Siya na ating Tagapaglikha, alam Niya ang makakabuti at makakasama sa atin bilang Kaniyang obra maestra.
But now, O LORD, thou art our father; we are the clay, and thou our potter; and we all are the work of thy hand. (Isaiah 64:8 KJV)
(2) Ikalawa, ang mga araw na parating pa lamang sa atin, sa Kaniya’y nahahayag na ang lahat. Kaya’t kung magmamatigas tayo at hindi susunod sa kabila ng alam Niya na ang kahahantungan, sa ating bahagi ito’y malaking kamangmangan. Maraming bagay sa ating paningin ay tama ngunit ang lundo ay kapahamakan; kaya’t bakit magbabakasakali sa sariling pang-unawa kung may Diyos naman na nakakasiguro ng ating mga araw?
